شباب الجزائر


لكل الجزائريين والعرب
 
الرئيسيةالرئيسية  البوابةالبوابة  التسجيلالتسجيل  دخولدخول  

شاطر | 
 

  انوي و اعقد.....

اذهب الى الأسفل 
كاتب الموضوعرسالة
فتاة بريئة
مديرة المنتدي
مديرة المنتدي
avatar

اختر بلدك اختر بلدك : الجزائر
الجنس الجنس : انثى
عدد المساهمات عدد المساهمات : 375
تاريخ التسجيل تاريخ التسجيل : 12/01/2012
العمر العمر : 25
صداقة

مُساهمةموضوع: انوي و اعقد.....   الخميس 17 مايو - 16:58

اعقد و نوي و اختر رقم من 1 الى20 و قول بسم الله بديت و على النبي صليت نطلب ربي يعطيني مانويت و يعطيك مانويتي




-1-
ماني كاس نتكسر ماني وردة ندبال راني خاتم في يد سيد الرجال
-2-
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
-3-
خالتي يا خالتي شدي وليدك عليا انا نسقي في الجنان و هو يرمي الورد عليا
-4-
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .
-5-
يا يما و يابابا خلوني راني حالف نقطع البحر و ما تزيدو تشوفوني زوجوني بحبيبتي هنوا روحكم و هنوني
-6-
يا لالاتي فاطمة يا لالاتي فطوم ادا نت سما نديرلك سلوم و ادا انت بحر ندير لك عوامة نمشي وين تمشي ومانديك غير انا
-7-
يا لالا يا لالا سبحان خلاقك شفت النجوم في السما عن بالي ساقك العين تشوف فيك و القلب مشتاقك
-8-
يا مهبلتني نرمي الماء في الشبكة و يا مهبلتني نشعل في لجمر الطافي و يا مهبلتني نعيد سري لخلافي يعيا يحن لحنين و تندم يا جافي
-9-
عندي فنيق و العشق مفتاحو كي ضرب الريح تقرقبوا لواحوا نمشي
لجنان لحبيب و نشم تفاحه التفاح ماناكله و الشيخ ماناخده في قاع لبير
نرميه ناخد شباب صغير قداه نواتيه
-10-
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
-11-
خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
-12-
ادا انت ليل انا نجمة نضويك ادا انت بحر انا موجة تقويك ادا انت ربيع انا وردة فيك حلفت ميات يمين غير انا اللي نديك
-13-
شجرة الياسمين نايضة في وسط الغرفة عروقها سكنجبير و غصانها قرفة و الله ماننساك يا زينة الوقفة
-14-
كي طلعت للسطح تقرقبوا للواح الناس كامل بحبيبهم و انا حبيبي راح
-15-
حوم يا حوام ، حوم فوق السطح العالي ، و
قول لها يا لالة يا زينة لبنات و خدودها براقة ، و عيونها غرّاقة ، صارت
كل القلوب ليها سبّاقة.
-16-
يا مولاة اللب لبيض ربي يعطيك و يوسع
ليك ماعندك لا دهب لا حرير و انت ديما زاهية و ربي مسهلك مادريت من حيلة
ندير باش نكون مثلك قالت لي خليها على ربي هو يكملك
-17-
بعتلك سلامي في السما لزرق بعتلك دموعي في القلب تحرق و الله مادريت هدا الحب اللي بيني و بينك يتفر نكوي هدا القلب باش مانزيدش نعشق
-18-
انت يالقاعدة في الجنان و مدرقة زينك بغصن البان ماولداتك سلطانة سطنبول و لا سلطانة اليمن نطلب ربي يجمعني بيك على طول الزمان
-19-
عيونك زرقة و حواجبك زادتلي مشقة سمي بسم الله ما بيناتنا فرقة ياك يدور الزمان و تندمي يا عاشقة
-20-
انا نبغيها و هي تموت عليا وين نمشي يدها فوق يديا اللي بغالها الخير ربي يعطيلوا على حساب النية و اللي حب يفرنا ربي يجيبلوا بلية

نسيت شيئا كل واحد يجب ان ينوي البوقالة على شخص ما
امل ان تفهموا اللهجة و تنال اعجابكم
هده الباقة هدية مني لكم
الرجوع الى أعلى الصفحة اذهب الى الأسفل
البرزالي 05
مشرف
مشرف
avatar

اختر بلدك اختر بلدك : الجزائر
الجنس الجنس : ذكر
عدد المساهمات عدد المساهمات : 547
تاريخ التسجيل تاريخ التسجيل : 18/05/2012
العمر العمر : 30
المزاج المزاج : سريع الغضب
فراق

مُساهمةموضوع: رد: انوي و اعقد.....   السبت 19 مايو - 11:50

شكرا
الرجوع الى أعلى الصفحة اذهب الى الأسفل
 
انوي و اعقد.....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب الجزائر :: المنتديات الترفيه :: منتدى الدردشة و الفرفشة بين الاعضاء-
انتقل الى: